У інтэрвію тэлеканалу «Беларусь-1» старшыня Савета Фэдэрацыі Фэдэральнага сходу Расеі Валянціна Мацьвіенка заявіла, што Расеі не абыякавыя вынікі выбараў у Беларусі:
«Для Расеі важная перамога кандыдата адэкватнага, кандыдата, які будзе здольны і далей працягваць і паглыбляць разьвіцьцё расейска-беларускіх адносінаў, які будзе і далей працягваць будаўніцтва Саюзнай дзяржавы і Эўразійскага эканамічнага саюза», — гэтак прадставіла расейскую пазыцыю на выбарах прэзыдэнта Беларусі Мацьвіенка.
«Нам бы вельмі хацелася, каб абраны прэзыдэнт Беларусі працягнуў менавіта такую палітыку ў інтарэсах перш за ўсё грамадзян Беларусі і, вядома, усіх нас», — дадала яна.
Выбары прэзыдэнта Беларусі пройдуць 11 кастрычніка. Кандыдатамі на іх зарэгістраваныя Сяргей Гайдукевіч, Тацяна Караткевіч, Аляксандар Лукашэнка і Мікалай Улаховіч.
