Падчас паездкі ў Новы Сьвет папа рымскі Францішак наведае Кубу і ЗША.
Папа рымскі Францішак пачынае 19 верасьня візыт на Кубу, дзе ён правядзе некалькі дзён, а затым накіруецца ў ЗША. Як чакаецца, пантыфік сустрэнецца з кіраўніком Кубы Раулем Кастра і зь Фідэлем Кастра. Пра гэта раней паведаміў кіраўнік службы друку Сьвятога Пасаду падрэ Фэдэрыка Ламбардзі, прэзэнтуючы праграму амэрыканскай паездкі пантыфіка.
Раней зь Фідэлем Кастра сустракаўся папа Бэнэдыкт XVI.
Новы, 10-ты апостальскі замежны візыт Францішка на Кубу і ў ЗША працягнецца з 19 па 28 верасьня.
Папа рымскі Францішак зьвярнуўся напярэдадні да сваіх падпісчыкаў у твітэры з просьбай маліцца за яго, пакуль ён будзе знаходзіцца з візытамі на Кубе і ў ЗША.
З Кубы папа рымскі Францішак адправіцца ў ЗША, дзе наведае Вашынгтон, Нью-Ёрк і Філядэльфію.