Лінкі ўнівэрсальнага доступу

Пранкеры разыгралі Элтана Джона ад імя Пуціна


Тэлефонны хуліган Vovan222

Тэлефонны хуліган Vovan222

Тэлефонны хуліган Уладзімір Красноў, больш вядомы як «пранкер Ваван», прызнаўся, што тэлефанаваў брытанскаму сьпеваку Элтану Джону ад імя прэзыдэнта Расеі Ўладзіміра Пуціна. Пра гэта ён распавёў у інтэрвію «Камсамольскай праўдзе».

«Мы падумалі, што Пуцін наўрад ці захоча, прынамсі ў бліжэйшым часе, зь ім сустракацца і тэлефанаваць, але, аказалася, што Элтан Джон вельмі чакае гэтага званка, таму без прамаруджаньня паверыў у рэальнасьць размовы з тымі людзьмі, якімі мы прадстаўляліся», — адзначыў Красноў. Пры гэтым ролю прэс-сакратара прэзыдэнта Дзмітрыя Пяскова выканаў па тэлефоне Аляксей Сталяроў па мянушцы «Лексус».

15 верасьня прэс-сакратар прэзыдэнта Дзьмітры Пяскоў абверг факт размовы паміж Пуціным і Джонам. Пры гэтым, паводле яго, прэзыдэнт гатовы да асабістай сустрэчы са сьпеваком. «Не сумняваюся, што калі будзе такое пажаданьне, прэзыдэнт будзе гатовы сустрэцца ў тым ліку і з Элтанам Джонам, для таго, каб даць адказы на ўсе пытаньні, якія ён зможа паставіць. Але пакуль мы такіх сыгналаў не атрымлівалі», — заявіў Пяскоў.

Аб сваёй размове з прэзыдэнтам брытанскі сьпявак і кампазытар напісаў у Instagram.

Выступаючы 12 верасьня на форуме ў Кіеве, Элтан Джон заявіў, што гатовы сустрэцца з расейскім прэзыдэнтам, каб абмеркаваць праблемы геяў у Расеі. Сам ён прызнаў такую магчымасьць малаверагоднай. «Я хацеў бы сустрэцца з Пуціным. Ён можа засьмяяцца мне ў сьпіну, калі зачыніць за мной дзьверы, і назваць мяне поўным ідыётам, але, прынамсі, я буду ведаць, што ў мяне хапіла сумленьня паспрабаваць», — адзначыў Элтан Джон.

Пра гэта інфармуе партал lenta.ru

XS
SM
MD
LG