Перад самай поўначчу апошні імправізаваны памежны пераход уздоўж чыгуначнай лініі быў зачынены. Цягнік, пакрыты калючым дротам, закрыў апошнюю дзірку ў 175-кілямэтровым плоце паміж Вугоршчынай і Сэрбіяй, вакол якога вядзецца шмат спрэчак.
Паводле новага заканадаўства, любому, хто цяпер незаконна пранікне ў Вугоршчыну, можа быць выстаўленае крымінальнае абвінавачваньне і пагражаць тры гады турмы.
«Мы зьбіраемся закрыць і прыродныя межы, каб спыніць незаконныя пранікненьні, — кажа Золтан Ковач, прадстаўнік ураду Вугоршчыны. — У той жа час афіцыйныя і законныя магчымасьці ўехаць у Вугоршчыну і, адпаведна, у Эўрапейскі Зьвяз, застаюцца. Усё, чаго мы просім ад мігрантаў: каб яны лічыліся зь міжнародным і эўрапейскім заканадаўствам, з шэнгенскімі пратаколамі, і праходзілі праз афіцыйныя пункты пропуску».
Славаччына, Галяндыя і Нямеччына таксама аднавілі памежны кантроль. Нямецкія паліцыянты праглядаюць транспартныя сродкі, якія ідуць з Аўстрыі, і арыштавалі некалькі нелегальных перавозчыкаў. У Аўстрыі былі прыцягнутыя жаўнеры, каб дапамагчы даць рады з шалёнай колькасьцю людзей, якія спрабуюць уехаць у краіну.
Сотні ўцекачоў правялі ноч пад адкрытым небам побач з плотам на вугорскай мяжы, пасьля таго як апоўначы мяжа з Сэрбіяй была зачыненая. Вугоршчына ўвяла новыя жорсткія законы, каб спыніць паток людзей, якія спрабуюць уехаць у краіну нелегальна.
Самае папулярнае
1