18 верасьня ў Менску на сядзібе БНФ пройдзе дабрачынная вечарына салідарнасьці з Украінай — «У вайны не дзіцячы твар».
Як паведаміла ў фэйсбуку актывістка Юлія Сьцяпанава, падчас імпрэзы плянуецца сабраць гуманітарную дапамогу для дзяцей зь сем’яў загінулых ці параненых у зоне антытэрарыстычнай апэрацыі, для дзяцей зь сем’яў вымушаных перасяленцаў і ўцекачоў.
Уся сабраная дапамога і сродкі будуць перададзены валянтэрам з арганізацыі «Гуманiтарны маршрут „Беларусь — АТА“», якія возьмуць удзел у вечарыне.
Юлія Сьцяпанава заклікала дапамагчы дзіцячым адзеньнем і абуткам, дзіцячым харчаваньнем, альбомамі для маляваньня, сшыткамі ды іншымі рэчамі.
