Лінкі ўнівэрсальнага доступу

Апублікаваны сьпісы давераных асобаў трох кандыдатаў


Belarus -- Central Commission for Elections and National Referendums signboard, 17sep2010

Belarus -- Central Commission for Elections and National Referendums signboard, 17sep2010

Цэнтравыбаркам апублікаваў сьпісы давераных асобаў кандыдатаў у прэзыдэнты Аляксандра Лукашэнкі, Тацяны Караткевіч і Сяргея Гайдукевіча.

Сярод давераных асобаў Аляксандра Лукашэнкі — старшыня Палаты прадстаўнікоў Уладзімер Андрэйчанка, дэпутаты, кіраўнікі абласьцей і Менску, міністар працы Мар’яна Шчоткіна, старшыня Белтэлерадыёкампаніі Генадзь Давыдзька, гендырэктар ААТ «Беларуськалій» Іван Галаваты, кіраўнік агракамбінату «Сноў» Мікалай Радаман, трансплянтоляг Алег Румо, гімнастка Любоў Чаркашына і іншыя.

У сьпісе давераных асобаў Тацяны Караткевіч — кіраўнік кампаніі «Гавары праўду» Андрэй Дзьмітрыеў, эканаміст Сяргей Чалы і іншыя.

Сярод давераных асобаў Сяргея Гайдукевіча — намесьнік старшыні партыі ЛДПБ Алег Гайдукевіч (сын кандыдата), гумарыст Яўген Крыжаноўскі.

Сьпіс давераных асобаў Мікалая Ўлаховіча пакуль не апублікаваны.

Кожны з кандыдатаў можа мець ня больш за 30 давераных асобаў.

Паказаць камэнтары

XS
SM
MD
LG