Лінкі ўнівэрсальнага доступу

Рэцэпт вечнай улады

  • Аляксандар Лукашук

Жан Сарыёль. Бітва ў затоцы Кіброн. 1795

Жан Сарыёль. Бітва ў затоцы Кіброн. 1795

Каб павярнуць рэкі гісторыі назад,

Каб замяніць словы ў песьнях і колеры на сьцягах,

Каб аднавіць краты на турмах,

Каб абвясьціць герояў ворагамі,

Каб перабяліць злыдняў на праведнікаў,

Каб абвінаваціць верных у здрадзе,

Каб уганараваць чужых як сваіх,

Каб намаляваць цёмных сьветлымі,

Каб сьцерці памяць і ўславіць хлусьню,

Каб назваць плач песьняй, а крык ухвалай,

Каб ганарыцца тым, чаго саромеюцца,

Каб саромецца таго, што шануюць,

Каб аддаць сьвятыні псам,

Трэба проста казаць, што так хоча народ,

І лічыць: народ — гэта я, і так будзе вечна.

Але вечны толькі сьмех з тых, хто так лічыць.

Амін.

(Прадмова да кнігі Сяргея Навумчыка «Дзевяноста пяты»)

Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас svaboda@rferl.org

Паказаць камэнтары

XS
SM
MD
LG