Лінкі ўнівэрсальнага доступу

У Адэсе захапілі рэзыдэнцыю былога старшыні Цэнтравыбаркаму


Рэзыдэнцыя Сяргея Ківалава, якая афіцыйна належыць Міжнароднаму гуманітарнаму ўнівэрсытэту.

Рэзыдэнцыя Сяргея Ківалава, якая афіцыйна належыць Міжнароднаму гуманітарнаму ўнівэрсытэту.

Актывісты адэскага Аўтамайдану захапілі летнюю рэзыдэнцыю дэпутата і колішняга старшыні Цэнтравыбаркаму Сяргея Ківалава на узьбярэжжы Чорнаго мора.

Афіцыйна будынак служыць для прыняцьця дэлегацый Міжнароднага гуманітарнага ўнівэрсытэту.

Людзі ў камуфляжы зьнесьлі браму трактарам, вывесілі на тэрыторыі «замку» сьцяг Украіны і сфатаграфавалі інтэр’еры будынку. На месца падзеі выклікалі праваахоўнікаў, якія ўзялі «замак» пад ахову.

Партрэт Ківалава ў будынку на здымку, які актывісты выклалі ў сацыяльныя сеткі

Партрэт Ківалава ў будынку на здымку, які актывісты выклалі ў сацыяльныя сеткі

Сам Ківалаў назваў захоп будынку крымінальным злачынствам. У выніку абодва бакі канфлікту напісалі заявы ў праваахоўныя органы. Паводле актывістаў, нагодай для іх дзеяньняў стала тое, што агароджа будынку незаконна перашкаджае доступу на пляж.

Сяргей Ківалаў быў дэпутатам ад «Партыі рэгіёнаў» Віктара Януковіча. Менавіта ён ў 2004 годзе ўзначальваў ЦВК Украіны і абвясьціў пра перамогу Януковіча ў першым туры прэзыдэнцкіх выбараў. Тады гэта прывяло да масавых пратэстаў і «аранжавай рэвалюцыі», а Ківалаў атрымаў зьдзеклівую мянушку «підрахуй» (падлічы па-ўкраінску).

Пратэстоўцы ў Кіеве ў 2011 годзе патрабавалі судовай рэформы і адстаўкі Ківалава з пасады старшыні парлямэнцкай камісіі ў пытаньнях правасудзьдзя

Пратэстоўцы ў Кіеве ў 2011 годзе патрабавалі судовай рэформы і адстаўкі Ківалава з пасады старшыні парлямэнцкай камісіі ў пытаньнях правасудзьдзя

XS
SM
MD
LG