Лінкі ўнівэрсальнага доступу

Беражкоў прызнаўся ў крадзяжы мільярда рублёў і хоча прасіць Лукашэнку аб памілаваньні


Уладзімер Беражкоў

Уладзімер Беражкоў

Сьледчы камітэт Рэспублікі Беларусь правёў брыфінг для прэсы, прысьвечаны затрыманьню былых кіраўнікоў менскага «Дынама».

Былы выканаўца абавязкаў генэральнага дырэктара хакейнага клюбу «Дынама-Менск» Уладзімір Беражкоў гатовы пакрыць прычыненую шкоду і мае намер прасіць Аляксандра Лукашэнку аб памілаваньні. Пра гэта паведаміў сёньня на брыфінгу начальнік галоўнага сьледчага ўпраўленьня Сьледчага камітэту Беларусі Алег Шандаровіч, якога цытуе БелаПАН.

Напярэдадні Беражкову прад’явілі канчатковае абвінавачаньне.

У прыватнасьці, паведамляецца, што Беражкоў прызначыў супрацоўнікам свайго знаёмага, на рахунак якога было налічана 1 млрд 90 млн рублёў. А грошы здымаў з карткі сам Беражкоў.

Такім чынам былі арганізаваныя кансалтынгавыя дасьледаваньні, за якія на рахунак фірмы «Маркетынг „Дынама“» былі пераведзеныя вялікія сумы грошай.

Сьледчы камітэт паведамляе, што Беражкоў прызнаўся і заявіў пра гатоўнасьць пакрыць усю суму. 133 мільёны ён ужо вярнуў. На рахунку Беражкова знойдзена 1 млрд 800 млн рублёў, зь якіх ён гатовы пакрыць шкоду. Беражкоў гатовы зьвярнуцца да Лукашэнкі аб памілаваньні, паведамляе Sport.tut.by.

Уладзімер Беражкоў — адзін з заснавальнікаў і галоўны рэдактар газэты «Прессбол», пазьней быў прызначаны выканаўцам абавязкаў генэральнага дырэктара, генэральным мэнэджэрам хакейнага клюбу «Дынама-Менск».

Паказаць камэнтары

XS
SM
MD
LG