Лінкі ўнівэрсальнага доступу

Аліна Талай і VELCOM зьбіраюць грошы на дзіцячы хосьпіс


Belarus - Press Conference 26Aug2015

Belarus - Press Conference 26Aug2015

Легкаатлетка Аліна Талай і апэратар мабільнай сувязі VELCOM абвясьцілі пра адкрыцьцё рахунку дзеля збору сродкаў на завяршэньне новага будынку дзіцячага хосьпісу.

Чэмпіёнка Эўропы ў лёгкай атлетыцы Аліна Талай стала «паслом дабра» кампаніі VELCOM. Мэта высакародная — сабраць неабходную суму для заканчэньня будаўніцтва дзіцячага хосьпісу. Яе можна дасягнуць, узяўшы ўдзел у дабрачынным дзіцячым забегу #velcombegom 6 верасьня, або зрабіўшы ахвяраваньне з дапамогай кароткага нумару 2015, які будзе дзейнічаць для абанэнтаў velcom ад сёньняшняга дня і да канца году.

Прэс-канфэрэнцыя

Прэс-канфэрэнцыя

Сродкі на будаўніцтва новага хосьпісу зьбіраліся цягам апошніх гадоў: «Праект ажыцьцяўляецца за народныя грошы — на ахвяраваньні. Нас падтрымаў урад, сур’ёзны ўнёсак зрабілі многія прыватныя кампаніі. Тысячы людзей адгукнуліся на нашую просьбу, — апавядае старшыня апякунскай рады Беларускага дзіцячага хосьпісу Вольга Кабякова.

— Цяпер сабрана 80% неабходнай сумы. Нам жыцьцёва неабходна сабраць неабходную суму ў самы кароткі тэрмін, каб дабудаваць будынак ужо ў гэтым годзе, да наступленьня халадоў. Калі прыйдзецца згортваць працы, на жаль, грошы могуць проста сысьці ў пясок.

— Цяпер сабрана 80% неабходнай сумы. Нам жыцьцёва неабходна сабраць неабходную суму ў самы кароткі тэрмін, каб дабудаваць будынак ужо ў гэтым годзе, да наступленьня халадоў. Калі прыйдзецца згортваць працы, на жаль, грошы могуць проста сысьці ў пясок. Таму так важна арганізаваць шырокамаштабную кампанію на збор сродкаў і мы ўдзячныя, што зьявіўся шэраг ініцыятываў, закліканых нам дапамагчы, уключна з дабрачынным праектам #velcombegom».

Арганізатары дабрачыннай ініцыятывы падлічылі, што новы будынак можа быць дабудаваны ў 2015 годзе, калі кожны пяты абанэнт VELCOM адправіць «смс дапамогі» са словам velcombegom, або патэлефануе на кароткі нумар 2015, ахвяраваўшы тым самым 10 000 рублёў.

Прэс-канфэрэнцыя

Прэс-канфэрэнцыя

Пра пачатак прыёму ахвяраваньняў праз кароткі нумар абвясьціла Аліна Талай. З Пэкіну, дзе зараз адбываецца чэмпіянат сьвету па лёгкай атлетыцы, пры дапамозе онлайн-трансьляцыі спартоўка зьвярнулася да ўсіх неабыякавых беларусаў: «У сваім жыцьці я прызвычаілася пераадольваць усе бар’еры сама. Але ў сьвеце існуюць людзі, якія ня могуць справіцца зь перашкодамі самастойна, асабліва, калі гэта дзеці. Ім патрэбна дапамога. Я заклікаю ўсіх зрабіць добрую справу. Веру, што нам удасца сабраць патрэбную суму, бо беларусы — гэта чулыя і спагадлівыя людзі».

Ініцыятыва #velcombegom рэалізуецца пры падтрымцы Беларускай фэдэрацыі лёгкай атлетыкі. Кожную нядзелю да канца верасьня ў менскім парку Перамогі будзе працаваць дзіцячая мабільная пляцоўка, дзе бацькі змогуць пакінуць сваіх дзяцей на апеку прафэсійнага трэнэра па займальнай лёгкай атлетыцы, прысьвяціўшы вызвалены час прабежцы і ахвяраваньню на карысьць хоспісу.

XS
SM
MD
LG