Лінкі ўнівэрсальнага доступу

logo-print

Прысуд Алегу Сянцову — 20 гадоў калёніі


Алег Сянцоў і Аляксандар Кольчанка ў судзе, архіўнае фота

Алег Сянцоў і Аляксандар Кольчанка ў судзе, архіўнае фота

Суд прызнаў Алега Сянцова вінаватым у «стварэньні тэрарыстычнай супольнасьці і ў кіраваньні ёю».

Палітычнаму актывісту Аляксандру Кольчанку, які таксама быў абвінавачаны ў гэтай справе, прысудзілі 10 гадоў пазбаўленьня волі.

Пасьля абвяшчэньня прысуду Сянцоў і Кольчанка хорам засьпявалі гімн Украіны, скончыўшы яго словамі: «Слава Украіне! Героям слава!».

Сянцова і Кольчанку затрымалі супрацоўнікі ФСБ у траўні 2014 году ў анэксаваным Расеяй Крыме. Паводле вэрсіі ФСБ, іхняй мэтай было ўчыніць вясной 2014 году дывэрсійна-тэрарыстычныя акты ў Сімфэропалі, Севастопалі і Ялце — узарваць самаробныя прылады каля мэмарыялу Вечнага агню і помніка Леніну ў Сімфэропалі, падпаліць офісы грамадзкай арганізацыі «Руская абшчына Крыму» і партыі «Адзіная Расея».

Сянцоў і Кольчанка сваю віну адмаўляюць. Праваабарончы цэнтар «Мэмарыял» прызнаў падсудных палітвязьнямі. Міжнародная праваабарончая арганізацыя Amnesty International заклікала Расею зьняць абвінавачаньні супраць Сянцова і Кольчанкі. Праваабаронцы лічаць гэтыя абвінавачаньні надуманымі і палітычна матываванымі.

У абарону і падтрымку ўкраінскага рэжысэра Сянцова ня раз выказваліся расейскія і замежныя дзеячы мастацтва.

Паказаць камэнтары

XS
SM
MD
LG