Паводле крыніцы «рашэньне прэзыдэнта Лукашэнкі пра вызваленьне зьняволеных кіраўнікоў апазыцыі стварае ўмовы для прыпыненьня дзеяньня санкцыяў».
«Гэтыя кансультацыі носяць свабодны характар, і тэма санкцыяў у дачыненьні да Беларусі не ўваходзіць у іх парадак дня, бо там няма парадку дня як такога. Аднак шэраг краінаў ЭЗ ужо выказалі намер падняць пытаньне аб прыпыненьні дзеяньня рэжыму санкцыяў як мінімум на год» — сказаў ён.
Суразмоўца са структураў ЭЗ таксама асабліва падкрэсьліў, што гаворка можа ісьці «толькі аб часовай замарозцы, але не аб адмене рэжыму санкцый».
«Гаворка пойдзе менавіта пра часовае — на паўгода ці год — прыпыненьне рэжыму санкцыяў, але не аб поўнай іх адмене. Прагрэс у галіне правоў чалавека (у Беларусі) у наяўнасьці, аднак рашэньне аб вызваленьні зьняволеных прынятае асабістым рашэньнем прэзыдэнта і не зьяўляецца вынікам глыбокіх рэформаў судовай сыстэмы і дэмакратызацыі палітычнага працэсу» — адзначыў эўрапейскі дыплямат у размове з карэспандэнтам ТАСС.
Гаворка ідзе пра штогадовую нефармальную сустрэчу міністраў замежных спраў краінаў ЭЗ, якая праводзіцца краінай-старшынёй Зьвязу ў пачатку верасьня і мае назву Гімніхскіх чытаньняў.
