На Дзень Незалежнасьці Ўкраіны ў цэнтры Кіева на плошчы Незалежнасьці, сярод іншага, гучыць «Ода да радасьці» з сымфоніі № 9 Людвіга ван Бэтховэна — гімн Эўрапейскага зьвязу — у выкананьні «I, CULTURE Orchestra». На канцэрце выступіць вядомая грузінская скрыпачка Ліза Баціашвілі.
«I, CULTURE Orchestra» — аркестар таленавітых маладых музыкаў з Польшчы і краін «Усходняга партнэрства»: Армэніі, Азэрбайджану, Беларусі, Грузіі, Малдовы і Ўкраіны пад кіраўніцтвам ўкраінскага дырыжора Кірылы Карабіца. (Трансьляцыя ТСН)
