Новае фота кожны дзень, увесь год. Загружайце сюды свае здымкі гарадзкіх і прыродных краявідаў, падзеяў і зьяваў жыцьця ў 2015 альбо на пошту radiosvaboda@gmail.com. Пажадана дасылаць фота ў прапорцыі 16 на 9.
Афіша:
У менскай прасторы Studio67 (Партызанскі пр., 2) у 19.00 адбудзецца прэзентацыя новага нумара часопісу pARTisan, прысвечанага маладым мастакам і мастачкам, чыя творчасьць выбухнула ў апошняе дзесяцігодзьдзе.
Растоў-на-Доне, Расея: чакаецца вынясеньне прысуду ўкраінскаму рэжысэру Алегу Сянцову, якога абвінавачваюць у арганізацыі тэрактаў у
Крыме.
У гісторыі:
1604 — пачатак паходу Ілжэдзьмітрыя І (Грыгорыя Атрэп’ева) на Маскву.
1609 — Галілеа Галілей у Вэнэцыі ўпершыню дэманструе тэлескоп.
1718 — французамі ў Амэрыцы заснаваны горад Новы Арлеан
1804 — у Сьвіслачы адкрытая 6-клясавая гімназія, адным са знакамітых вучняў якой быў Кастусь Каліноўскі.
1825 — Уругвай абвясьціў сваю незалежнасьць ад Бразыліі.
1840 — расейскі царскі ўрад скасаваў дзеяньне ў Беларусі Статуту Вялікага Княства Літоўскага 1588 году. Былі ўведзеныя законы Расейскай імпэрыі.
1915 — нямецкія войскі захапілі Брэст-Літоўск.
1919 — выйшаў першы нумар рэдагаванай Янкам Купалам газэты «Звон».
1942 — зьнішчэньне нацыстамі гета ў беларускім мястэчку Косаве, забіта 3500 чалавек.
1968 — восем дысідэнтаў правялі на Краснай плошчы ў Маскве дэманстрацыю супраць увядзеньня савецкіх войскаў у Чэхаславаччыну.
1991 — На пазачарговай сэсіі Вярхоўнага Савету Беларусі Дэклярацыі аб сувэрэнітэце Беларусі нададзеная сіла канстытуцыйнага закону. Прыпыненая дзейнасьць КПБ.
У гэты дзень нарадзіліся:
1530 — Іван IV (Іван Жахлівы), вялікі князь маскоўскі і цар «усяе Русі».
1744 — Ёган Готфрыд Гердэр, нямецкі філёзаф.
1780 — Ігнат Анацэвіч, гісторык і пэдагог, прафэсар Віленскага ўнівэрсытэту.
1932 — Пятрусь Макаль, беларускі паэт, драматург.
1949 — Яўгенія Мальчэўская, беларуская паэтка.
1953 — Уладзімер Арлоў, беларускі пісьменьнік.
У гэты дзень памерлі:
1680 — Сімяон Полацкі, паэт і асьветнік, рэлігійны дзяяч, іераманах ордэну базыльянаў.
1900 — Фрыдрых Ніцшэ, нямецкі паэт і філосаф
1934 — Нестар Махно, кіраўнік сялянскага паўстанскага руху ва Ўкраіне і анархіст.
1991 — Вацлаў Пануцэвіч, беларускі гісторык, настаўнік, дзяяч беларускай эміграцыі.
2008 — Васіль Несьцярэнка, беларускі навуковец, дырэктар Інстытуту радыяцыйнай бясьпекі «Белрад».
Цытата:
Незалежнасьць — гэта калі ад нараджэньня да скону пачуваесься сваім чалавекам на сваёй зямлі. Я веру, што калі-небудзь так будзе. Бо іначай проста ня варта жыць.
Уладзімер Арлоў, з эсэ «Незалежнасьць — гэта...»
