Сьледам за Расеяй у Беларусі таксама рэкордна абваліўся рубель. Сёньня на таргах даляр вырас да 17 601 рубля, эўра — да 19 934. У банках курсы яшчэ вышэйшыя. Гэта выклікала сапраўдную паніку сярод беларусаў. Людзі зноў пайшлі станавіцца ў чэргі да абменьнікаў.
Але некаторыя беларусы з гумарам аднесьліся да чарговага абвалу рубля. Пажартавалі яны і з абяцаньняў Лукашэнкі, які абяцаў заробак у $1000 да 2015 году.
