«Ведаю, што ён едзе на маршрутцы. Вельмі перажываю, ужо і лекі прымала, і ледзь прытомнасьць не губляла — вельмі за яго рада. Маці Яўгена едзе з лецішча, бацька быў на працы, дык дазванілася яму паведаміла, ён бярэ машыну, каб завесьці сына дамоў. Для нас ўсіх вялікая радасьць. А яшчэ два тыдні таму зь ім у калёніі сустракалася маці. Ён казаў ёй, што калі ня будзе парушэньняў, дык перавядуць на „хімію“ — то бок пра вызваленьне зусім гаворкі не было. А цяпер — вось яго як. Дык гэта вельмі добра, што адмучыўся у той калёніі».
Яўгена Васьковіча апошні год трымалі ў магілёўскай калёніі, да таго амаль два гады вязень адбыў у крытай магілёўскай турме.