Паўночная Карэя абстраляла паўднёвакарэйскія гукаўзмацняльнікі, усталяваныя на мяжы для трансьляцыі крытычных выказваньняў на адрас рэжыму КНДР. У адказ на гэта Паўднёвая Карэя выпусьціла ў бок КНДР некалькі дзясяткаў 155-мілімэтровых гарматных снарадаў.
Паводле апошніх дадзеных, у адказ агню ад КНДР не было. Паўднёвая Карэя заявіла, што гукаўзмацняльнікі не былі пашкоджаныя. Па дадзеных Сэулу, з боку Паўночнай Карэі было выпушчана 25 снарадаў.
Краіны пачалі зноў выкарыстоўваць прапагандысцкія перадачы праз гукаўзмацняльнікі пасьля інцыдэнту на мінулым тыдні з выбухам наземных мінаў на паўднёвакарэйскім баку памежнай дэмілітарызаванай зоны. Паводле Сэулу, на мінах тады падарваліся і атрымалі раненьні два паўднёвакарэйскія салдаты. Паўднёвая Карэя ўсклала адказнасьць за інцыдэнт на КНДР і пачала трансьляваць праз дынамікі паведамленьні супраць палітыкі Пхэньяну. У адказ Паўночная Карэя таксама пачала трансьляцыю праз гукаўзмацняльнікі, аднаўляючы такім чынам псыхалягічную вайну, аб спыненьні якой бакі дамовіліся ў 2004 годзе.
Самае папулярнае
1