Як паведамляюць у паліцыі Масквы, 26-гадовы мужчына двойчы стрэліў уверх з абрэза паляўнічай стрэльбы. Гэта адбылося 18 жніўня вечарам у Аляксандраўскім садзе каля сьцен Крамля, піша «Эхо Москвы».
Стралка амаль адразу затрымалі супрацоўнікі патрульна-паставой службы і даставілі ў аддзел паліцыі «Кітай-гораду».
У выніку інцыдэнту ніхто не пацярпеў. Цяпер вырашаецца пытаньне аб завядзеньні крымінальнай справы. Аб матывах стралка пакуль нічога невядома.