Лінкі ўнівэрсальнага доступу

Нямецкі міністар заклікаў да неадкладных перамоваў, каб не дапусьціць эскаляцыі ваенных дзеяньняў на Данбасе


Фрагмэнт мапы з сытуацыяй у зоне баявых дзеяньняў на Данбасе, 16 дніўня 2015 году

Фрагмэнт мапы з сытуацыяй у зоне баявых дзеяньняў на Данбасе, 16 дніўня 2015 году

Міністар замежных справаў Нямеччыны Франк-Вальтэр Штайнмаер назваў сытуацыю на ўсходзе Ўкраіны «выбуховай» і заклікаў да неадкладных новых перамоваў, каб прадухіліць «новую сьпіраль ваеннай эскаляцыі».

Такую заяву нямецкі палітык зрабіў у інтэрвію часопісу Bild, апублікаваным у нядзельным выданьні 16 жніўня.

Штайнмаер кажа, што ён прапанаваў прадстаўнікам Кіева і прарасейскіх сэпаратыстаў неадкладна сустрэцца з прадстаўнікамі Арганізацыі па бясьпецы і супрацоўніцтве ў Эўропе (АБСЭ) для перамоваў, каб зьменшыць напружанасьць.

Дамова аб перамір’і, падпісаная ў Менску ў лютым, зьменшыла ўзровень баявых дзеяньняў, але абодва бакі канфлікту заяўляюць пра штодзённыя парушэньні перамір’я.

Ад пачатку баявых дзеяньняў летась на ўсходзе Ўкраіне было забіта каля 6,400 чалавек.

Паказаць камэнтары

XS
SM
MD
LG