Ёсьць апасеньні, што на складзе падчас выбуху знаходзілася па меншай меры 700 тон цыяніду натрыю.
Кампанія, якая кіруе прамысловай зонай, абвінавачваецца ў «абуральным парушэньні правілаў бясьпекі». Склад, дзе 12 жніўня адбыліся выбухі, належыць фірме Ruihai Logistics, якая спэцыялізуецца на перавозках таксычных хімікатаў, у прыватнасьці, сьціснутага газу, лёгкіх на загараньне вадкасьцяў і таксычных рэчываў.
Урад загадаў чыноўнікам на месцах ужываць да парушальнікаў правілаў захоўваньня небясьпечных рэчываў самыя строгія захады.
Тым часам пажар у прамысловай зоне Цяньцзінь па-ранейшаму не ліквідаваны, у яго тушэньні задзейнічаныя больш за 1 тысячу чалавек і 140 пажарных разьлікаў.
Каманда ваенных экспэртаў-хімікаў робіць замеры паветра на наяўнасьць у ім таксычных рэчываў, паведамляе ВВС.