Расейскі касьмічны грузавы карабель «Прагрэс М-26М» адстыкаваўся ад Міжнароднай касьмічнай станцыі, сышоў з арбіты, пасьля чаго яго парэшткі ўпалі ў Ціхі акіян.
Пра гэта паведамілі агенцтву ТАСС у расейскім Цэнтры кіраваньня палётамі.
Фрагмэнты карабля ўпалі за некалькі тысячаў кілямэтраў ад Вэлінгтана, на так званых «могілках касьмічных караблёў».
Карабель быў запушчаны з Байканура ў лютым, ён даставіў на станцыю розныя грузы, у тым ліку ваду і прадукты.
Касьмічныя караблі «Прагрэс» выкарыстоўваюцца для забесьпячэньня савецкіх, расейскіх і міжнародных арбітальных станцый вось ужо амаль 40 гадоў.
У траўні касьмічны карабель «Прагрэс-М-27м» быў страчаны, яго абломкі таксама ўпалі ў раёне Ціхага акіяна.
