Лінкі ўнівэрсальнага доступу

logo-print

Тбілісі чакае афіцыйнага пацьверджаньня ад Кіева аб наданьні экс-прэзыдэнту Грузіі Міхаілу Саакашвілі ўкраінскага грамадзянства. «У выпадку такога пацьверджаньня мы пачнём працэдуру пазбаўленьня яго грузінскага грамадзянства», — заявіла міністар юстыцыі Грузіі Тэя Цулукіані. Яе словы цытуе ўкраінскае выданьне Корреспондент.нет.

Паводле яе, грузінскае заканадаўства не прадугледжвае падвойнага грамадзянства.

29 траўня Саакашвілі атрымаў грамадзянства Ўкраіны. 30 траўня адпаведны дакумэнт быў апублікаваны на сайце прэзыдэнта. Пазьней экс-прэзыдэнт Грузіі быў прызначаны губэрнатарам Адэскай вобласьці.

Украіна не прызнае падвойнага грамадзянства. Атрымаць украінскае грамадзянства можна толькі падпісаўшы дэклярацыю з абавязацельствам адмовіцца ад наяўнага грамадзянства.

Ваша меркаваньне

Паказаць камэнтары

XS
SM
MD
LG