Выбухі адбыліся напярэдадні ў прамысловым раёне гораду.
Паводле паведамленьняў мясцовых СМІ, першы выбух адбыўся ў 23:30 па мясцовым часе, выбуховую хвалю ад яго можна было адчуць у радыюсе некалькіх кілямэтраў. Праз паўхвіліны пасьля першага выбуху адбыўся другі.
Афіцыйна прычына выбуху пакуль не названая, аднак дзяржаўны тэлеканал China Central Television (ССTV) паведаміў, што разарвалася партыя выбуховых рэчываў і цыстэрнаў з гаручым у грузавым тэрмінале гарадзкога порту.
Лідэр КНР Сі Цзіньпін заявіў, што ўлада прыкладзе ўсе намаганьні, каб выратаваць пацярпелых і ўтаймаваць полымя, паведамляе ВВС.