Лінкі ўнівэрсальнага доступу

У Чарнобылі маштабны агонь зноў ахапіў дзясяткі гектараў


Ілюстрацыйнае фота

Ілюстрацыйнае фота

На тэрыторыі лясной гаспадаркі «Чарнобыльская пушча» адбыўся пажар. Ён узьнік у трох асобных сэктарах.

На тэрыторыі комплексу лясной гаспадаркі «Чарнобыльская пушча» паблізу вёсак Замосьце і Каўшылаўка загарэлася сухая трава і лясная падсьцілка. Пра гэта інфармуе прэс-служба ДСНС Украіны.

Як паведамляецца, пажар узьнік у трох асобных сэктарах і распаўсюдзіўся на плошчы 32 гектара. «Да тушэньня пажару прыцягнутыя 19 адзінак тэхнікі і 106 чалавек, у тым ліку ад ДСНС 5 адзінак тэхнікі і 44 мужчыны асабовага складу», — гаворыцца ў паведамленьні.

Па стане на 7 раніцы далей агонь не распаўсюджваецца, пажарныя кантралююць пэрымэтар і працягваюць тушыць асобныя ачагі ўзгараньняў.

Гэта ўжо ня першы пажар у «Чарнобыльскай пушчы». 29 чэрвеня там загарэлася сухая трава і чарот, агонь распаўсюдзіўся асобнымі сэгмэнтамі на плошчы каля 130 гектараў. 28 красавіка ў зоне адчужэньня таксама быў пажар, які цалкам патушылі 2 траўня. Падвышэньня радыяцыйнага фону тады не зафіксавалі.

XS
SM
MD
LG