Афіша:
У Міры каля Мірскага замку пройдзе музычны фэстываль пад адкрытым небам.
У Лепелі ў Гарадзкім парку пройдзе фэстываль міталёгіі «У госьці да Лепельскага Цмока». Пачатак а 11:00.
У Зэльве творчая інтэлігенцыя Беларусі адзначыць 105-годзьдзе з дня нараджэньня беларускай паэткі Ларысы Геніюш (1910-1983). Урачыстасьць пачнецца ў 11 гадзін у Сьвята-Троіцкай царкве, дзе адбудзецца памінальная служба. У 12 гадзін, каля помніка паэткі, Міхась Скобла прэзэнтуе кнігу «Духу магутныя чары...”, якая нядаўна выйшла ў менскім выдавецтве «Лімарыюс».
У гісторыі:
1618 – гораду Друя нададзенае Магдэбурскае права.
1655 – захоп маскоўскім войскам сталіцы ВКЛ Вільні.
1815 – Напалеон адправіўся ў высылку на востраў Сьвятой Алены.
1919 – польскія войскі занялі Менск.
1926 ― нарадзіўся Аляксандар Надсан, беларускі грэка-каталіцкі сьвятар, апостальскі візытатар для беларусаў-каталікоў у замежжы, дырэктар Беларускай бібліятэкі і музэю імя Францішка Скарыны ў Лёндане.
1945 – Другая Сусьветная вайна: СССР аб’явіў вайну Японіі.
1990 – Ірак анэксаваў Кувэйт, што неўзабаве прывяло да вайны ў Пэрсыдзкай затоцы.
2008 – пачатак расейска-грузінскай вайны.
У памяці:
1976 – памёр Мікалай Лапіцкі, дзяяч беларускай эміграцыі, праваслаўны сьвятар.
1977 – памёр Леў Гарошка, беларускі рэлігійны дзяяч, грэка-каталіцкі сьвятар.
Цытата:
«Не згінай мяне, я не сагнуся,
Не баюся ні страхаў, ні зла.
Нездарма я зь зямлі беларускай
Непахіснай сасною ўзрасла.»
Ларыса Геніюш