Лінкі ўнівэрсальнага доступу

ЗША пашырылі санкцыі да энергетычнай галіны Расеі


ЗША пашырылі санкцыі ў дачыненьні да газавай і нафтавай галін Расеі.

Як паведамляе агенцтва «Рэйтэр», забароненыя пастаўкі абсталяваньня для Паўднёва-Кірынскага радовішча «Газпрома» ў Ахоцкім моры.

Як растлумачыў амэрыканскі юрыдычны кансультант па гандлёвых пытаньнях Дуглас Джэкабсан, ўводзіцца забарона на экспарт і рээкспарт для радовішча абсталяваньня амэрыканскай вытворчасьці або вырабленага з 25-працэнтным амэрыканскім удзелам.

30 ліпеня ЗША ўвялі новыя абмежаваньні ў дачыненьні да шэрагу грамадзянаў і прадпрыемстваў Расеі і Ўкраіны.

У чэрвені Эўразьвяз прадоўжыў санкцыі супраць Расеі да 31 студзеня наступнага года, матываваўшы гэта няпоўным выкананьнем расейскім бокам умоў Менскіх пагадненьняў па ўрэгуляваньні канфлікту ва Ўкраіне

ЗША і краіны Эўразьвязу ўвялі першыя санкцыі ў дачыненьні да Расеі ў сакавіку 2014 года — у адказ на яе анэксію Крыма і ўдзел ва ўзброеным канфлікце на ўсходзе Ўкраіны.

XS
SM
MD
LG