З нагоды Міжнароднага дня салідарнасьці зь беларускай грамадзянскай супольнасьсю маскоўскія мастакі-актывісты Яўген Авілаў і Кацярына Ігнацішына правялі стрыт-арт акцыю. Пра гэта яны распавялі Радыё Свабода.
Акцыя была праведзена каля помніка Герцэну і Агарову ў Маскве, куды яны наклеілі эмблему дня салідарнасьці зь Беларусьсю і перакрэсьлены партрэт Лукашэнкі.
Паводле актывістаў, месца правядзеньня акцыі мае сымбалічнае значэньне:
«У 1827 расейскія рэвалюцыйныя дэмакраты Аляксандар Герцэн і Мікалай Агароў, будучы яшчэ падлеткамі, далі тут, на Вараб’ёвых гарах, клятву: да канца жыцьця змагацца за шчасьце народа. Тут зарадзілася расейская грамадзянская супольнасьць».