У Адэсе ў ноч на панядзелак невядомыя ўзарвалі штаб грамадзкага руху «Самаабарона Адэсы», які знаходзіцца ў доме 35 па Ліннай вуліцы, паведамляе Бі-Бі-Сі.
«У выніку выбуху выбітае вакно і пашкоджаныя брамы пры ўваходзе ў памяшканьне грамадзкай арганізацыі „Самаабарона Адэсы“. Пацярпелых пры выбуху няма», — паведамілі ў гарадзкой міліцыі.
Паводле папярэдніх дадзеных, магутнасьць самаробнага выбуховага прыстасаваньня ацэньваецца ў 200 г у тратылавым эквіваленце.
За апошнія месяцы ў Адэсе адбыліся некалькі выбухаў.