Лінкі ўнівэрсальнага доступу

Грузія абвяргае далучэньне да новых санкцыяў супраць Расеі


Грузінскія ўлады абвяргаюць паведамленьні мэдыяў аб тым, што Тбілісі далучыўся да новых санкцый ЭЗ супраць Расеі.

Намесьнік міністра замежных справаў і спэцпрадстаўнік прэм’ер-міністра Зураб Абашыдзэ заявіў, што гаворка ідзе аб рашэньнях, прынятых яшчэ ў мінулым годзе. Абвяржэньні былі зробленыя пасьля таго, як прэс-сакратар прэзыдэнта РФ Дзьмітры Пяскоў намякнуў аб магчымасьці захадаў у адказ з боку Расеі, маючы на ўвазе, мяркуючы па ўсім, аднаўленьне эмбарга на імпарт грузінскай прадукцыі, у прыватнасьці віна і «Баржомі».

Прадстаўнікі грузінскіх уладаў сталі аднадушна аспрэчваць паведамленьні аб далучэньні Грузіі да новых санкцыяў супраць Расеі пасьля таго, як пра гэта паведаміў шэраг СМІ са спасылкай на дэклярацыю Эўракамісіі.

Спэцпрадстаўнік прэм’ер-міністра па ўрэгуляваньні адносін з РФ Зураб Абашыдзэ сказаў у інтэрвію РС, што антырасейскія санкцыі, пра якія ідзе гаворка, прынятыя яшчэ год таму, прычым Грузія далучылася толькі да некаторых захадаў. Паводле Абашыдзэ, у гэтым няма нічога новага, а значыць, у Расеі няма падставаў для крокаў у адказ.

XS
SM
MD
LG