Лінкі ўнівэрсальнага доступу

Дэпардзьё забаранілі ўезд ва Ўкраіну на 5 гадоў


Францускаму актору Жэрару Дэпардзье, які атрымаў грамадзянства Расеі і вядомы сваімі антыўкраінскай заявамі, забаронены ўезд ва Ўкраіну тэрмінам на 5 гадоў.

Пра гэта карэспандэнту УНІАН паведаміла прэс-сакратар СБУ Алена Гітлянская, пацьвердзіўшы, што СБУ забараніла Дэпардзьё ўезд ва Ўкраіну.

«Служба бясьпекі Ўкраіны прыняла рашэньне аб забароне яму ўезду на пяць гадоў на падставе звароту Міністэрства культуры Ўкраіны», — падкрэсьліла Гітлянская.

Як раней паведамляла агенцтва УНІАН, 22 ліпеня грамадзкія актывісты перадалі ў Міністэрства культуры пералік з 567 дзеячаў культуры з замежжа з патрабаваньнем забараніць прысутнасьць гэтых асобаў у тэлерадыёпрасторы Ўкраіны за іх публічныя антыўкраінскія заявы.

Днями, пабываўшы ў Беларусі, Дэпардзьё заявіў, што не разумее, чаму ў прэзыдэнта Беларусі Аляксандра Лукашэнкі дрэнная рэпутацыя на Захадзе, а таксама падтрымаў увядзеньне ў Беларусі падатку з дармаедаў.

XS
SM
MD
LG