Лінкі ўнівэрсальнага доступу

Магілёўскі аўтавакзал выправіў «Дні нядзелі» на «Дні тыдня» пасьля публікацыі на сайце Свабоды


Цяпер на табло «Дні тыдня»

Цяпер на табло «Дні тыдня»

На Магілёўскім аўтавакзале выправілі памылку ў напісаньні на беларускай мове назвы аднаго з інфармацыйных слупкоў на электронным табло раскладу аўтобусных рэйсаў. «Дні нядзелі» было напісана на табло. Цяпер назва слупка — «Дні тыдня».

У адміністрацыі аўтавакзалу прызналі, што не зьвярталі ўвагі на моўную хібу табло. Патлумачылі, што яе «празявалі» спэцыялісты зь менскай фірмы, якая рабіла электронны інфармацыйны стэнд для аўтавакзалу. Паабяцалі выправіць памылку і слова сваё стрымалі.

Памылку выправілі неўзабаве пасьля публікацыі пра памылкі ў напісаньні беларускіх слоў і словазлучэньняў у візуальным афармленьні гарадзкой публічнай прасторы.

Паказаць камэнтары

XS
SM
MD
LG