Частка дэпутатаў ад леварадыкальнай партыі Цыпраса «СІРЫЗА» прагаласавалі супраць законаў аб рэформах у чацьвер і вымусілі кіраўніка ўраду абапірацца ў парлямэнце на падтрымку апазыцыі ў гэтым пытаньні.
Раней у пятніцу парлямэнт Нямеччыны ўхваліў аднаўленьне перамоваў з Грэцыяй па трэцім пакеце фінансавай дапамогі.
У той самы дзень стала вядома, што лідэры дзяржаваў эўразоны заключылі папярэдняе пагадненьне аб трохгадовым пляне крэдытаваньня Грэцыі на суму 86 мільярдаў эўра.
Грэцыя атрымае таксама брыдж-крэдыт 7 мільярдаў эўра, каб утрымаць эканоміку на плыву ў пэрыяд ўзгадненьня новага пакету дапамогі.
