Лінкі ўнівэрсальнага доступу

Армэнія стане парлямэнцкай краінай. Прэзыдэнт будзе абірацца толькі на адзін тэрмін


Камісія па канстытуцыйных рэформах у Армэніі прадставіла праект першых сямі разьдзелаў Канстытуцыі, дапрацаваны з экспэртамі Вэнэцыянскай камісіі Рады Эўропы. Дакумэнт прадугледжвае пераход да парлямэнцкай формы кіраваньня.

Згодна з праектам, прэзыдэнт Армэніі абіраецца тэрмінам на сем гадоў, замест цяперашніх пяці, выбарцамі, якія фармуюцца з дэпутатаў парлямэнту і прадстаўнікоў органаў мясцовага самакіраваньня. Прэзыдэнт ня можа быць сябрам якой-небудзь партыі і абірацца на гэтую пасаду больш за адзін раз.

Вышэйшы орган выканаўчай улады — урад. Прэм’ер-міністра прызначае прэзыдэнт. Кандыдатуру прэм’ера вылучае парлямэнцкая большасьць.

Парлямэнт Армэніі абіраецца на пяць гадоў, як і цяпер, але выключна па прапарцыйнай сыстэме, скасоўваецца мажарытарная сыстэма выбараў.

Канстытуцыйная рэформа будзе праведзена праз усенародны рэфэрэндум, дата якога пакуль ня вызначана. Паводле непацьверджаных зьвестак, рэфэрэндум можа прайсьці ў лістападзе сёлета.

XS
SM
MD
LG