Як перадаюць інфармацыйныя агенцтвы зь месца падзеяў, сэрбская дэлегацыя сьпешна пакінула цырымонію і накіравалася да прыпаркаваных за могілкамі машын.
Некалькі дзясяткаў тысяч чалавек прыехалі ў суботу ў Срэбраніцу, каб узяць удзел у жалобных цырымоніях, прысьвечаных 20-й гадавіне забойства 8000 басьнійскіх мужчын і юнакоў.
На цырымонію таксама прыбылі дзясяткі дзяржаўных дзеячоў з розных краінаў сьвету, у тым ліку кіраўнік зьнешняй палітыкі ЭЗ Фэдэрыка Магерыні і экс-прэзыдэнт ЗША Біл Клінтан.
Цырымонія ўключае пахаваньне апошніх 136 ахвяраў, ідэнтыфікаваных з дапамогай аналізу ДНК, які дапамог пацьвердзіць парэшткі амаль 7000 загінулых.
***
11 ліпеня 1995, у канцы трохгадовай вайны ў Босьніі, сэрбскія войскі ўзялі пад свой кантроль мусульманскі анкляў, выцесьніўшы галяндзкіх міратворцаў ААН, якія абаранялі яго. Тысячы мусульманскіх мужчын і юнакоў спрабавалі ўцякаць празь лес, але сэрбскія вайскоўцы даганялі іх і забівалі.
Сэрбскія салдаты аддзялілі каля 2000 чалавек, якія засталіся ў базе галяндзкіх войскаў, ад жанчын і дзяцей, затым расстралялі іх і скінулі целы ў брацкія магілы.
Больш за ь тысяч ахвяраў былі перапахаваныя ў Мэмарыяльным цэнтры Патачары каля былой базы ААН, дзе і праходзяць жалобныя цырымоніі.
Некалькі дзён таму, 8 ліпеня, Расея выкарыстала сваё права вэта ў Радзе Бясьпекі ААН, каб заблякаваць праект рэзалюцыі аб прызнаньні трагедыі ў Срэбраніцы генацыдам.
