Лінкі ўнівэрсальнага доступу

Малайзійскі прэм’ер: «Сьледзтва ў справе гібелі рэйсу MH17 завяршаецца»


Неўзабаве будуць названыя вінаватыя ў гібелі пасажырскага самалёта над Данбасам, заявіў прэм’ер-міністар Малайзіі Наджыб Разак. Паводле яго, расьсьледаваньне катастрофы «набліжаецца да завяршэньня».

Разак выступіў сёньня, у суботу, на жалобнай цырымоніі ў Куала-Лумпуры з нагоды першай гадавіны трагедыі. 17 ліпеня 2014 году ў самалёце «Малайзійскіх авіяліній», зьбітым над раёнам баявых дзеяньняў у Данбасе, загінулі ўсе 298 чалавек, што былі на борце.

Краіны, якія расьсьледуюць катастрофу — Аўстралія, Бэльгія, Нідэрлянды і Ўкраіна — настойваюць на стварэньні спэцыяльнага міжнароднага трыбуналу пад эгідай ААН для правядзеньня суду, выяўленьня вінаватых і пакараньня вінаватых у катастрофе.

9 ліпеня Расея абвясьціла, што выступіць супраць стварэньня такога трыбуналу.

Boing кампаніі Malaysia Airlines, які ляцеў рэйсам MH17 з Амстэрдаму ў Куала-Лумпур, быў зьбіты над раёнам збройнага канфлікту на ўсходзе Ўкраіны. Украіна настойвае на тым, што прарасейскія ўзброеныя сэпаратысты дзейнічаюць пры падтрымцы Масквы. Расейскія ўлады сьцьвярджаюць, што самалёт быў зьбіты ўкраінскімі вайскоўцамі.

Паказаць камэнтары

XS
SM
MD
LG