Лінкі ўнівэрсальнага доступу

Перамовы па Іране працягнуцца на выходных


Міністар замежных спраў Ірану Джавад Зарыф

Міністар замежных спраў Ірану Джавад Зарыф заяўляе, што ядзерныя перамовы паміж Тэгеранам і вядучымі краінамі сьвету, верагодна, будуць працягвацца ў выходныя дні.

«Прагрэс ёсьць, але канчатковых дамоўленасьцяў пакуль няма... Сумняваюся, што гэта адбудзецца сёньня... Здаецца, нам прыйдзецца правесьці выходныя ў Вене», — сказаў Зарыф.

На гэтых канчатковых перамовах Ірану і шасьці зь вядучых краін сьвету — Вялікабрытаніі, Францыі, Нямеччыны, Злучаных Штатаў Амэрыкі, Кітаю і Расеі — павінны ўзгадніцца падрабязныя тэхнічныя парамэтры значнага згортваньня ядзернай праграмы Тэгерану ў абмен спачатку на паступовае паслабленьне санкцый у адказ на канкрэтныя крокі такога згортваньня, а затым і на поўнае зьняцьце гэтых санкцый.

Тэрмін завяршэньня гэтых перамоваў, які чарговы раз былі перанесеныя, цяпер заканчваецца апоўначы ў пятніцу, 10 ліпеня.

9 ліпеня дзяржсакратар ЗША Джон Кэры прыгразіў завяршыць удзел у дыскусіях, калі Іран ня прыме «жорсткіх рашэньняў», неабходных для завяршэньня зьдзелкі.

XS
SM
MD
LG