Лінкі ўнівэрсальнага доступу

У палоне на Данбасе застаюцца 245 украінскіх вайскоўцаў


Сытуацыя ў зоне баявых дзеяньняў на Ўсходзе Ўкраіны
Сытуацыя ў зоне баявых дзеяньняў на Ўсходзе Ўкраіны

У палоне ў баевікоў на Данбасе застаюцца 245 украінскіх вайскоўцаў, сярод якіх ёсьць і жанчыны.

Пра гэта паведаміла ўпаўнаважаная прэзыдэнта Ўкраіны па мірным урэгуляваньні канфлікту на Данбасе, народны дэпутат Ірына Герашчанка, паведамляе УНІАН.

Сёньня былі вызваленыя 10 вайскоўцаў, якія знаходзіліся ў палоне ад 6 да 9 месяцаў, ім патрэбна псыхалягічная дапамога.

Прэзыдэнт Украіны Пятро Парашэнка напісаў у фэйсбуку з гэтай нагоды: «Сябры, добрая навіна — з палону вызваленыя 10 нашых хлопцаў! Ужо хутка іх сем’і змогуць абняць Герояў». https://www.facebook.com/petroporoshenko?fref=nf

За 2 месяцы працы Менскай падгрупы па гуманітарных пытаньнях украінскаму боку ўдалося вызваліць каля 30 вайскоўцаў.

Украіна рыхтуецца да правядзеньня вялікага абмену палоннымі з сэпаратыстамі, які можа адбыцца ў бліжэйшы час. Пра гэта раней паведаміў украінскім СМІ прадстаўнік Цэнтру садзейнічаньня вызваленьню закладнікаў Юры Тандзіт. Ён адзначыў, што дакладны час магчымага абмену не называецца зь меркаваньняў бясьпекі.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG