Лінкі ўнівэрсальнага доступу

logo-print

Ініцыятыўная група па вылучэньні Статкевіча выступіла са зваротам


Мікалай Статкевіч

Мікалай Статкевіч

Паплечнікі Мікалая Статкевіча заклікалі грамадзянаў Беларусі выкарыстаць апошнія дні да 14 ліпеня, каб далучыцца да ініцыятыўнай групы па вылучэньні Мікалая Статкевіча кандыдатам у прэзыдэнты.

У заяве яны адзначаюць, што кампанія праводзіцца пад лёзунгам «Без вызваленьня кандыдата ў прэзыдэнты на мінулых выбарах Мікалая Статкевіча і ўсіх палітвязьняў і поўнага аднаўленьня іх у правах ніякія выбары ў Беларусі ня могуць лічыцца свабоднымі і справядлівымі».

«Людзі Беларусі! Толькі ў еднасьці наша сіла! Беларусь павінна стаць нармальнай эўрапейскай краінай. Разам мы сіла!» — гаворыцца ў заяве каманды Статкевіча. Аўтары заявы дзякуюць тым грамадзянам, хто ўжо далучыўся да ініцыятыўнай групы па вылучэньні Мікалая Статкевіча.

«Мы ведаем, як няпроста шмат каму з вас даўся гэты крок. Разумеем тую адказнасьць, якая ўскладаецца на нас, і абавязкова апраўдаем ваш давер. Мы зьвяртаемся да былых палітвязьняў рэжыму Лукашэнкі: вы ведаеце, што такое беларуская турма, вы ведаеце, чаго каштуе мужнасьць у гэтай турме. Далучайцеся! Мы зьвяртаемся да ўсіх апазыцыйных палітычных партыяў і грамадзкіх рухаў — будзьце годнымі памяці лідэраў апазыцыі Юрыя Захаранкі, Віктара Ганчара, Генадзя Карпенкі. Далучайцеся! Мы зьвяртаемся да тых беларусаў, якія вымушана апынуліся на эміграцыі. Вы — частка нашай нацыі. Мы просім вас арганізоўваць акцыі ў замежжы ў падтрымку нашай дзейнасьці. Мы зьвяртаемся да журналістаў: просім даваць інфармацыю пра нашу кампанію, а таксама знайсьці ў сабе грамадзянскую мужнасьць і ўваходзіць у ініцыятыўную групу Мікалая Статкевіча, не прыкрываючыся стандартамі, прынятымі ў дэмакратычных краінах, дзе выбары адбываюцца насамрэч. Сьветлая памяць вашых калегаў Зьмітра Завадзкага, Веранікі Чаркасавай, Алега Бябеніна павінна вас натхніць на гэты мужны крок», — гаворыцца ў заяве.

Паказаць камэнтары

XS
SM
MD
LG