Прадстаўнік паліцыі Кабула сказаў, што «самагубца падарваў сябе ў аўтамабілі побач з будынкам парлямэнту, яшчэ некалькі баявікоў занялі пазыцыі ў суседнім будынку».
Прадстаўнік МУС сьцьвярджае, што сілы бясьпекі адкінулі баевікоў, тыя схаваліся ў суседнім недабудаваным будынку, паліцыя яго акружыла. Ён дадаў, што ўсе дэпутаты парлямэнту па-за небясьпекай.
Талібы адразу ж узялі на сябе адказнасьць за напад.
«Мы пачалі атаку на парлямэнт, калі там быў важны сход з нагоды прадстаўленьня міністра абароны краіны», — сказаў праз тэлефон прадстаўнік талібаў Муджагід Забіюла.
Таксама 22 чэрвеня талібы захапілі адзін з раёнаў у паўночнай правінцыі Кундуз. Гэта адбылося на наступны дзень пасьля таго, як сотні баевікоў прабіліся ў адміністрацыйны цэнтар суседняга раёну Чардара.
