Лінкі ўнівэрсальнага доступу

logo-print

АБСЭ выявіла танкі і артылерыю сэпаратыстаў ля лініі разьмежаваньня


Украінскія вайскоўцы паведамляюць пра абстрэл з боку сэпаратыстаў з забароненых прыладаў

Назіральнікі АБСЭ ва Ўкраіне выявілі вайсковую тэхніку сэпаратыстаў побач зь лініяй разьмежаваньня бакоў канфлікту ў Данбасе, што парушае Менскія дамоўленасьці.

10 танкаў і 27 браніраваных машын былі заўважаныя каля гораду Камсамольскае Данецкай вобласьці. Яшчэ некалькі адзінак цяжкай тэхнікі, у тым ліку самаходныя артылерыйскія ўстаноўкі «Гвоздика», выяўленыя каля гарадоў Шахцёрскае, Зугрэс і вёскі Васільеўка. Як паведамляюць у адміністрацыі прэзыдэнта Ўкраіны, вялікую колькасьць цяжкай тэхнікі сэпаратысты падцягнулі ў Горлаўку.

За апошнія суткі ў Данбасе загінулі двое ўкраінскіх вайскоўцаў, шасьцёра параненыя. Баявыя дзеяньні вяліся на Марыюпальскім і Данецкім напрамках, ля гарадоў Шырокіна і Горлаўка. Паводле дадзеных камандаваньня ўкраінскай арміі, сэпаратысты ў гэтых рэгіёнах абстралялі вайскоўцаў з гармат, калібар якіх забаронены для ўжываньня ў Данбасе менскімі пагадненьнямі.

У самаабвешчанай «Данецкай народнай рэспубліцы» заяўляюць, што ўкраінскія вайскоўцы за суткі каля 40 разоў парушылі рэжым спыненьня агню. Стратаў сярод сэпаратыстаў няма.

Паказаць камэнтары

XS
SM
MD
LG