У Магадане адбыўся напад на Дзьмітрыя Таралава, кіраўніка праекту РосЖКХ, які зьяўляецца часткай заснаванага Аляксеем Навальным Фонду барацьбы з карупцыяй.
Як паведаміла ў Твітэры актывістка Ганна Велікок, напад адбыўся на рынку, Таралаву выбілі зубы. Ён шпіталізаваны.
Велікок таксама заявіла, што выяўленая машына, у якой знаходзяцца людзі, якія сачылі за актывістамі.
Навальны ў сваю чаргу напісаў у Твітэры, што тыя, хто нападаў, прыехалі на машыне з падробленымі нумарамі.
Супрацоўнік Фонду Барацьбы з карупцыяй (ФБК), Георгі Албураў, які балятуецца ў рэгіянальную Думу на выбарах, апублікаваў відэазапіс перамоваў паліцэйскага з адным з тых, хто быў у машыне.
Юрыст Партыі Прагрэсу Дзьмітрый Крайнеў адзначыў у Твітэры, што «мяркуючы па ўсім паліцыя пакрывае злачынцаў, якія напалі на Таралава».
Сам Таралаў напісаў у Твітэры:
Яго калегі, якія паехалі разам зь ім у бальніцу, пішуць, што ён «трымаецца малайцом».
