Вуліцы ў нізінах пазалівала, рух грамадзкага транспарту прыпыніўся. Цэлыя азёры парабіліся блізу аўтамабільнага вакзалу, на скрыжаваньні вуліц Савецкай і Пушкіна, у іншых месцах.
Ураганны вецер гнуў білборды, куляў прыпынкі грамадзкага транспарту, выварочваў дрэвы. Ад паваленых дрэваў пацярпелі аўтамабілі.
З раніцы 15 чэрвеня гарадзкія камунальныя службы ўзяліся прыбіраць наступствы буралому.