Выступаючы ў чацьвер у Кіеве, Паўэр ня выключыла ўзмацненьня жорсткасьці санкцыяў у дачыненьні да Масквы.
Паўэр падкрэсьліла, што Злучаныя Штаты захоўваюць прыхільнасьць да Менскіх пагадненьняў, нягледзячы на гвалт, які працягваецца ў Данбасе.
Амэрыканскі дыплямат адзначыла, што большасьць парушэньняў перамір’я зьвязаная зь дзеяньнямі сэпаратыстаў, а таксама зь вяртаньнем на лінію судакрананьня бакоў адведзеных раней цяжкіх узбраеньняў.
Назіральнікі місіі АБСЭ ва Ўкраіне паведамляюць пра ўжываньне цяжкіх ўзбраеньняў і Кіевам, і сэпаратыстамі.
У чацьвер пры абстрэле з боку баевікоў самаабвешчанай ДНР у Аўдзееўцы былі параненыя двое мірных жыхароў.
Сакратар Рады нацыянальнай бясьпекі і абароны Ўкраіны Аляксандар Турчынаў заявіў у інтэрвію «5 каналу», што пагроза поўнамаштабнага расейскага ўварваньня па-ранейшаму актуальная. Ён выказаў асьцярогу, што гэта можа адбыцца ў бліжэйшы час.
Паводле зьвестак ААН, з красавіка 2014 году ахвярамі канфлікту на ўсходзе Ўкраіны сталі ўжо больш за 6400 чалавек.