Каб атрымаць ад таты новую кампутарную гульню, Ягор зарабляе балы — за паслушэнства і добрыя ўчынкі. Усяго яму трэба набраць сто балаў, і вось ужо колькі тыдняў ён стараецца.
А сёньня раптам кажа загадкава:
— Мама, вось ты ж памрэш?
Уздыхаю:
— Ну так, вядома...
— І я памру, праўда? Усе-усе паміраюць — і людзі, і зьвяры?
— Так, праўда.
Ён — трыюмфальна:
— А я прыдумаў! Я ўзьнімуся высока ў неба, адшукаю там Вялікую Душу і папрашу, каб больш ніхто ніколі не паміраў! І каб тыя, хто ўжо памёр, таксама ажылі і больш не паміралі. І тады я атрымаю адразу — сто балаў!
Наста Кудасава
Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас svaboda@rferl.org
