Лінкі ўнівэрсальнага доступу

Ужо сёньня, 7 чэрвеня: 135 гадоў Вацлаву Іваноўскаму, мастацкі пленэр на радзіме Тадэвуша Рэйтана ў Грушаўцы


Рака Нежараўка, Любанскі р-н, Менская вобл. Аўтарка Натальля Сарагавец

Рака Нежараўка, Любанскі р-н, Менская вобл. Аўтарка Натальля Сарагавец

Новае фота кожны дзень, увесь год. Прысылайце сюды свае здымкі гарадзкіх і прыродных краявідаў, падзеяў і зьяваў жыцьця ў 2015. Пажадана дасылаць фота ў прапорцыі 9 на 16. Усе аўтары фота, апублікаваных на сайце Свабоды, атрымаюць прызы. Тры найбольш папулярныя здымкі месяца будуць адзначаныя асобна.

Афіша

Менск. У Музеі гісторыі беларускага кіно заканчваецца паказ фільмаў маладых польскіх аўтараў, выпускнікоў кінашколы ў Лодзі і Школы Вайды ў Варшаве. Пачатак а 17.00

Грушаўка (Наваградзкі раён). Арт-суполка імя Тадэвуша Рэйтана (спэц-структура міжнароднага фэстывалю экспэрымэнтальнага мастацтва "ДАХ") праводзіць мастацкі пленэр.

Вялікі Бор (Хойніцкі раён). Гомельскі філіял Беларускай Асацыяцыі журналістаў робіць прэс-тур на народны абрад «Русальле».

У гісторыі:

1099 — першы крыжовы паход: пачатак аблогі Ерусаліму.

1492 — у Гародні памёр Казімір Ягелончык, вялікі князь літоўскі (1440–1492).

1563 — Жыгімонт ІІ Аўгуст выдаў Віленскі прывілей, які зраўнаў у правах праваслаўных і каталікоў у Вялікім княстве Літоўскім.

1927 – у Варшаве супрацоўнікам «Беларускага слова» Барысам Кавердам забіты савецкі амбасадар Пётр Войкаў.

1958 – пачалося будаўніцтва гораду Наваполацку.

У памяці:

1880 – нарадзіўся Вацлаў Іваноўскі, беларускі палітычны і грамадзкі дзяяч, прафэсар. У 1906 узначаліў створанае ім у Пецярбургу першае беларускае выдавецтва – суполку «Загляне сонца і ў наша аконца». У 1942 быў прызначаны нямецкімі акупацыйнымі ўладамі на пасаду бургамістра Менску. Загінуў 7 сьнежна 1943 у выніку тэрарыстычнага замаху савецкімі дывэрсантамі.

1976 – памёр Міхась Машара, заходнебеларускі паэт, савецкі празаік і перакладчык.

Янка Брыль, Янка Шарахоўскі і Міхась Машара ў 1952 годзе.

Янка Брыль, Янка Шарахоўскі і Міхась Машара ў 1952 годзе.

Цытата:

О Вільня! Тваім камяніцам,

Асфальту і бруку твайму

Прыйшоў я ўзноў пакланіцца,

Ізноў табе песьню пяю.

Прыйшоў я з далёкіх ваколіц

Асьнежаных вёсак і ніў,

Дзе вецер-прыблуда сваволіць,

Сьпяваючы сумны матыў.

Тваім хадніком і вітрынам,

Людзям і палацам тваім

Прынёс я Прывет ад Краіны,

Замоўкшай ў чаканьні нямым.

З трывогай глядзяць яе вочы

Туды — у туманную муць,

Дзе казкай сьвятлянай уночы

Агні твае ў неба плывуць...

Міхась Машара. З цыклю “Месту”. 1933 год.

Паказаць камэнтары

XS
SM
MD
LG