Лінкі ўнівэрсальнага доступу

Ужо сёньня, 5 чэрвеня: дзень памяці сьвятой Эўфрасіньні Полацкай, прэзэнтацыя Хадановіча, фэстываль беларускай песьні і паэзіі ў Маладэчне


в. Таль, Любанскі р-н, Менская вобл. Аўтар: Натальля Сарагавец

в. Таль, Любанскі р-н, Менская вобл. Аўтар: Натальля Сарагавец

Падзеі і даты гэтага дня ў Беларусі, сьвеце, гісторыі.

Фота дня

Новае фота кожны дзень, увесь год. Прысылайце сюды свае здымкі гарадзкіх і прыродных краявідаў, падзеяў і зьяваў жыцьця ў 2015. Пажадана дасылаць фота ў прапорцыі 9 на 16. Усе аўтары фота, апублікаваных на сайце Свабоды, атрымаюць прызы. Тры найбольш папулярныя здымкі месяца будуць адзначаныя асобна.

Афіша

Менск. Андрэй Хадановіч прэзэнтуе кнігу «Нататкі таткі» ў кнігарні «логвінаЎ». Пачатак а 16-й гадзіне. (Менск, пр. Незалежнасьці, 37А)

Ружаны. Адкрыцьцё выставы "Лета ў Ружанах«мастацкай суполкі «Абуджэньне». Пачатак а 15-й гадзіне. Месца правядзеньня — Ружанскі палацавы комплекс Сапегаў (вул. Урбановіча, 15а)

Маладэчна. Урачыстае адкрыцьцё ХV Нацыянальнага фэстывалю беларускай песьні і паэзіі «Маладэчна — 2015». Пачатак а 21.30. Месца правядзеньня — летні Амфітэатар.

Дзень памяці сьвятой Эўфрасіньні Полацкай

У гісторыі:

1919 — у Вільні выйшаў першы нумар газэты «Беларускае жыцьцё». Рэдактар Францішак Аляхновіч.

«Сьмех таксама, як і хлеб, адна з галоўнейшых патрэб».

Францішак Аляхновіч

1923 — у Вільні выйшаў першы нумар газэты «Вольны Сьцяг», органу Беларускай Рэвалюцыйнай Арганізацыі (выдавалася да 14 кастрычніка 1923 году), была забароненая польскімі ўладамі.

1938 — у Сыбіры ў савецкім канцлягеры расстраляны Юрка Лістапад, дзяяч нацыянальна-вызваленчага руху, адзін з кіраўнікоў Слуцкага паўстаньня.

1947 — дзяржсакратар ЗША Джордж Маршал выступіў з прамовай у Гарвардзкім унівэрсытэце, у якой выклаў праграму дапамогі пасьляваеннай Эўропе, якая пазьней атрымала назву «плян Маршала».

2004 — ня стала Рональда Рэйгана, 40-га прэзыдэнта ЗША.

«Урад не вырашае праблемаў — ён іх фінансуе».

Рональд Рэйган

У гэты дзень нарадзіліся:

1854 — Юры Пэн, мастак-жывапісец, пэдагог, выбітны дзяяч «габрэйскага рэнэсансу» ў беларускім мастацтве пачатку XX ст.

1870 — Зыгмунт Лазінскі, беларускі каталіцкі дзеяч, біскуп Менскі, пасьля Пінскі

1942 — Вячаслаў Рагойша, беларускі філёляг, літаратуразнаўца, аўтар «Паэтычнага слоўніка».

1973 — Анатоль Кот, беларускі артыст тэатру і кіно.

Цытата:

«Ведама, я расказаў таварышу ўсю сваю справу. Усю, з усiмi дэталямi. Тут нiчога не хаваў. Казаў пра ўсе гутаркi ў ГПУ, пра банкет, пра сваё савецкае грамадзянства. Мне тады здавалася, што „совершенно секретно“ на волi, за вастрожнымi мурамi перастае ўжо быць сакрэтам.

Я пытаўся, што ён думае, як усё гэта скончыцца?

Мой таварыш глядзеў на маю будучыню вельмi пэсымiстычна.

— Найменш, што вам могуць даць — гэта пяць гадоў высылкi ўва Ўсходнюю Сiбiр, або пяць гадоў Саловак... Менш не даюць... Сяджу тут ужо другi год... Праз маю камару прайшло шмат народу... Менш не даставалi... А бальшыня мела дзесяць год або расстрэл.

Значыцца, найменш — 5 год! Пяць даўгiх год быць пазбаўленым волi, быць адарваным ад жыцьця, ад сваiх блiзкiх!.. Пяць год — найменш... А можа — дзесяць?.. А можа... расстр...

Брр! Лепш аб гэтым ня думаць!..»

Францішак Аляхновіч, «У кіпцюрох ГПУ»

Паказаць камэнтары

XS
SM
MD
LG