З 1999 па 2007 год Аляксандар Лянюк супрацоўнічаў з польскай вайсковай выведкай і атрымаў ад яе плату ў памеры 319 тысяч даляраў і 18 тысяч эўра.
Аднак інфармацыя, якую ён пастаўляў пра «беларускіх агентаў» у органы ўлады Польшчы і «беларускую шпіёнскую сетку», была фальшывая.
Суд прыйшоў да высновы, што дзейнасьць беларуса прывяла да «неэфэктыўных дзеяньняў» супрацоўнікаў польскай спэцслужбы. Высьветлілася, што Лянюк падрабляў дакумэнты. У прыватнасьці, ён перадаў фальшывы сьпіс «афіцэраў беларускіх спэцслужбаў».
Летась у Польшчы былі затрыманыя два беларусы, якіх абвінавацілі ў шпіянажы. Адзін зь іх — Лянюк, пра другога, Юрыя К., вядома, што пракуратура ўжо накіравала ягоную справу ў суд і яму пагражае да 10 гадоў турмы.
Паводле польскай Агенцыі ўнутранай бясьпекі, «польскі кірунак застаецца адным з прыярытэтаў спэцслужбаў Беларусі».
