Лінкі ўнівэрсальнага доступу

Жана Нямцова заклікала ЭЗ увесьці санкцыі супраць расейскіх прапагандыстаў


Жана Нямцова

Жана Нямцова

Дачка забітага расейскага апазыцыйнага палітыка Барыса Нямцова Жана заклікала Эўразьвяз увесьці санкцыі супраць супрацоўнікаў расейскіх СМІ, якія, на яе думку, адказныя за цкаваньне і падбухторваньне да забойства яе бацькі. Пра гэта паведаміла Радыё Польшча.

Сьпіс зь імёнамі расейскіх журналістаў і мэдыямэнэджэраў яна перадала сьпікеру Сэнату Польшчы Богдану Барусэвічу.

У ім восем прозьвішчаў: дырэктар Усерасейскай дзяржаўнай тэлерадыёкампаніі Алег Дабрадзееў, дырэктар НТВ Уладзімер Кулісьцікаў, кіраўнік інфармацыйнага агенцтва «Россия сегодня» Дзьмітры Кісялёў, журналісты Аркадзь Мамантаў, Канстанцін Сёмін, Уладзімер Салаўёў і Андрэй Караулаў, а таксама тэлевядучы і дэпутат Дзярждумы РФ Аляксей Пушкоў.

На думку Нямцовай, менавіта гэтыя людзі публічна цкавалі яе бацьку ў кантраляваных уладамі СМІ, называючы яго «здраднікам», «пятай калёнай» і «ворагам Расеі» за супрацьдзеяньне карупцыі, палітыцы Уладзімера Пуціна і вайне, якую ён вядзе ва Ўкраіне.

XS
SM
MD
LG