28 траўня ў менскім клюбе "Хулиган" у трэці раз запар адбылася цырымонія адзначэньня лепшых здабыткаў у галіне папулярнай музыкі па выніках году.
Асаблівасьць гэтай прэміі палягае ў тым, што лепшых у розных намінацыях вызначаюць не музычныя крытыкі ды журналісты, а менавіта самі музыканты, якія ацэньваюць зробленае калегамі.
Гэтым разам у апытаньні, зарганізаваным студыяй «Осмос» і сайтам experty.by, узялі ўдзел 60 прадстаўнікоў беларускіх калектываў папулярнай музыкі і салістаў. Пры гэтым арганізатары цырымоніі назвалі «Rock-Profi» адзінай у Беларусі прафэсійнай прэміяй у гэтым музычным сэгмэнце.
Уручэньне музычнай прэміі «Rock-Profi 2014» у менскім клюбе «Хулиган». Гледачы
«Лепшы альбом» — «Грамадазнаўства» Лявона Вольскага
«Дэбют году» — гурт «Tonquixod»
Сярод гукарэжысэраў у намінацыі «Лепшы запіс» пераможцам быў названы Андрэй Жукаў, які працаваў над альбомам «Thou» трыо «Port Mone»
Выступае гурт «Nizkiz»
Статуэткі прэміі «Rock-Profi 2014»
Лепшая песьня мінулага году — «Воины света» гурта «Ляпис Трубецкой».
