Лінкі ўнівэрсальнага доступу

Генсакратар НАТО абвінаваціў Расею ў «бразганьні ядзернай зброяй»


Генэральны сакратар НАТО Енс Столтэнбэрг

Генэральны сакратар НАТО Енс Столтэнбэрг

Генэральны сакратар НАТО Енс Столтэнбэрг заявіў, што рытарычныя заявы Расеі пра ядзерную зброю выклікаюць глыбокую занепакоенасьць.

Столтэнбэрг выступіў з гэтай заявай 27 траўня ў Вашынгтоне, дзе днём раней ён сустрэўся з прэзыдэнтам ЗША Баракам Абамам.

Па словах Столтэнбэрга, пляны Расеі па разьмяшчэньні ў Калінінградзе ракет, здольных несьці ядзерную зброю, а таксама пагроза разьмяшчэньня расейскай ядзернай зброі ў анэксаваным украінскім Крыме карэнным чынам мяняюць стан бясьпекі ў Эўропе.

«Бразганьне ядзернай зброяй з боку Расеі зьяўляецца неапраўданым, дэстабілізуючым і небясьпечным дзеяньнем», — сказаў генэральны сакратар альянсу.

Гаворачы аб дзеяньнях Расеі ў дачыненьні да Украіны, Столтэнбэрг адзначыў, што Масква спрабуе прадэманстраваць сваю ваенную сілу, распальвае нацыяналізм і заяўляе пра сваё права захопліваць тэрыторыю суседніх дзяржаў і падпарадкоўваць іх сваёй волі.

XS
SM
MD
LG